Fortescue har lansert ei tilskotsordning for lokale initiativ innan idrett, kultur, friluftsliv, opplæring, helse og trivsel. Fortescue inviterer aktørar i Bremanger til å søke om støtte på inntil 50 000 kroner. 

Søknadsfristen er 31. januar 2025.

Om tilskotsordninga

Fortescue er opptekne av å fremme berekraftige og levande lokalsamfunn. For å bidra til dette er det sett av 200 000 kroner til ei tilskotsordning som vil støtte opp om tiltak og aktivitetar i Bremanger kommune.

Tilskotsordninga er eit pilotprosjekt. I dei neste fasane av Holmaneset-prosjektet (byggeing og drift) vil Fortescue vidareutvikle ulike støtteordningar i samarbeid med lokale krefter.

Kven kan søke?

Ideelle organisasjonar, idrettslag, kultur- og opplæringstiltak og lokale foreiningar kan søke om tilskot på inntil 50 000 kroner, innan fristen 31. januar.

Fortescue kan støtte tiltak og prosjekt som fell inn under éin eller fleire av følgande kategoriar: 

• Natur, friluftsliv og initiativ som fremmer trivsel
• Opplæring i grøn energi og lokal berekraft
• Kultur og idrett
• Initiativ som fremmer helse

Det vil ikkje vere mogleg å motta støtte til religiøse aktivitetar eller politiske organisasjonar eller føremål, akademiske studiar eller andre tiltak for enkeltindivid. Reiser utanfor Bremanger kommune, aktivitetar som allereie er starta opp eller avslutta, eller som det er knytta høg risiko til, vil heller ikkje kunne få støtte. 

Søknadsportal og meir informasjon

Kontakt

For meir informasjon om den lokale tilskotsordninga, ver venleg å ta kontakt med Fortescue på e-post norway@fortescue.com.