Bellatango vart starta i 2015, og består av cellisten Sanja Dukanac, gitaristen Jørn-Lasse Refsnes og kontrabassist Ove Mjåtveit. Trioen utvidar besetninga til Svelgenfest med Noemi Utasi på piano og Benjamin Sagebø på perkusjon. Distriktsmusikar Utasi er klassisk utdanna, mellom anna frå Franz Lizt-musikkakademiet i Budapest, og har mottatt fleire prisar internasjonalt. Svelgen-musikaren Sagebø er utdanna ved jazzlina ved Musikkonservatoriet i Stavanger, og han skal få briljere på ymse perkusjon og trommer.
Bellatango varslar eit variert program, med både mjuke tangotonar frå Argentina og balkanrytmar i 11/16-dels takt. I tillegg blandar musikarane inn heilt andre sjangrar, frå episk filmmusikk til ekte piggtrådboogie frå den amerikanske surfegitarlegenda Dick Dale.

Du kan høyre Bellatango med Noemi Utasi spele klassikaren Oblivion frå konsert på Husabula i 2022 her:
https://youtu.be/BcW4GTbD6EU